Matutunghayan ang Onanay lead star na si Jo Berry sa weekly drama anthology na Wish Ko Lang ngayong Sabado, March 23.

Jo Berry

Makakasama rito ng 25-year-old actress sina Rodjun Cruz, Ge Villamill at Caprice Cayetano.

View this post on Instagram

Wish ko lang taping w/ @tinyhedwig 🎥❤️😄 Abangan niyo 👍🏻

A post shared by Rodjun Cruz (@rodjuncruz) on Mar 9, 2019 at 6:50am PST

View this post on Instagram

Caprice with Ate Jo❤

A post shared by CapriceLoversOfc (@capriceloversofc) on Mar 17, 2019 at 4:48am PDT

Sa nasabing episode, mapapanood ang kuwento ni Michelle na siyang bibigyang-buhay ni Jo.

Isinilang si Michelle na may kapansanan at ito ang itinuturong dahilan ng kanyang sunod-sunod na kamalasan sa buhay.

Dahil sa kaniyang pisikal na kaanyuan, hindi na siya umasang may magkakagusto sa kaniya kaya naman laking gulat niya nang may magpakita ng interes sa kanya.

Akala ni Michelle ay mamahalin siya nito ng totoo ngunit inabuso lamang nito ang kaniyang pagkababae. Ang masama pa nito, nagbunga ang paglapastangan sa kaniya.

Mas lalong naging mahirap ang pagdadalantao niya dahil hindi pinanagutan ng lalaki ang dinadala niya at nalaman pa niyang pamilyado at may asawa na pala ito.

Mula noon, sinubukan ng husto ang katatagan niya. Hirap na nga siya sa kaniyang sitwasyon, magiging magulang pa siya.

Paano kaya malalampasan ni Michelle ang mga hamon na ito na patuloy na dumidikdik sa kanya?

Tunghayan ang mga nakakaantig na tagpong 'yan ngayong Sabado kasama si Vicky Morales sa Wish Ko Lang, 4:10 ng hapon.

Gamitin din ang official hashtag na #JoBerryOnWishKoLang para ipakita ang inyong suporta online.