Maliban sa pagiging My Special Tatay cast mates, marami pa pa lang pinagkapareho sina Ken Chan at Rita Daniela! Alam n'yo ba na parehong nag-aral ang dalawa sa De La Salle University-College of Saint Benilde (CSB)? Pumasok si Ken sa CSB noong taong 2009 samantalang si Rita naman ay noong taong 2013.

Ken Chan & Rita Daniela

View this post on Instagram

Ayos na ayos kami ngayon ah hehe Abangan niyo kami ni Aubrey sa Sunday Pinasaya, kakantahin namin ang “Almusal” ❤️ #MySpecialTatay

A post shared by Ken Chan (@akosikenchan) on Jan 26, 2019 at 9:43pm PST

Sa exclusive interview ng GMA Network sa dalawa, kinuwento pa nina Ken at Rita ang ilan pa sa mga pagkakapareho nila.

Ayon kay Ken, "Family oriented [siya], itong si Rita kasi mahal na mahal niya 'yung pamilya niya. Bread-winner siya, bread-winner din ako, iyon 'yung mga common namin sa isa't-isa. And of course, mahilig kami sa pagkain."

"Parehas kaming we can't say 'no' sa mga bagay pero ako kasi, I learned to say 'no' na and 'yun 'yung ina-advise ko sa kaniya. Masyado siyang mabait, as in. Mahilig din kami sa vintage, old soul kami when it comes to music, specifically 70's songs," dagdag ni Rita.

Kung mabibigyan ulit sina Ken at Rita ng project together, ano naman kaya ang gusto nilang gawin?

"Gusto namin gumawa ng rom-com na hindi nalalayo sa characters [namin]. Parang may similarities kay Boyet, may similarities kay Aubrey 'yung characters namin pero ibang kuwento na. Hindi about sa isang taong may special needs. Looking forward ako doon, sana mangyari, wish ko 'yon," sagot ni Ken.

Wika ni Rita, "Gusto ko mag-rom-com with him pero a bit maybe with action para kakaiba. Kasi ako gusto kong makita si Ken in action, lahat kasi nagawa na niya 'eh. 'Di ba naging maganda na siya tapos ngayon si Boyet siya, gusto ko naman siya makita ng physically active. 'Yung Ken Chan na batak, maganda katawan, may muscles. Palaban pa rin."